OPOJA

Çdo dekadë peshkatarët nxjerrin pa qëllim me miliona breshka deti nga oqeanet, gjahu i të cilëve janë peshqit.  Këto aksidente të paqëllimshme janë shkaku kryesor i mortalitetit të breshkave, besojnë shkencëtarët.

Ndalimi i përgjithshëm i peshkimit do të shkaktonte dëme serioze në ekonomitë lokale, prandaj ambientalistët  kanë kërkuar mënyra se si t’i trembin breshkat nga rrjetat peshkuese. Studimet dokumentojnë që breshkat e perceptojnë  dritën përgjatë tërë spektrit të dukshëm dhe gjithashtu edhe atë ultraviolet, përkundër peshqve, ndjeshmëria vizuale e të cilëve mbaron mu te brezi ultraviolet.

Kjo do të thotë që ekziston një kanal i veçantë komunikues në brezin ultraviolet ku mund të komunikohet vetëm me breshkat pa na vërejtur peshqit. Shkencëtarët  së bashku me disa peshkatarë eksperimentuan me  LED Dioda ultraviolete si frikësuese të breshkave. Me vendosjen e dritave në rrjeta në çdo 5 metra distancë ata reduktuan nxënien e padëshirueshme të breshkave për 40 %. Edhe pse rrjetat e ndriçuara kapën më pak peshq se sa rrjetat e pandriçuara, kjo nuk luante rol të dukshëm në vlerësimin financiar të gjuajtjes. Teknologji të tilla mund t’u kursejnë peshkatarëve para në aspekt afatgjatë sepse mburoja e fortë e breshkës i bllokon dhëmbëzoret  e mekanizmit që e tërheqë rrjetën me peshq në anije. 

Ideja nuk mbaron me kaq; në rrjeta mund të vendosen dioda që emitojnë dritë të gjatësive valore të ndryshme me të cilat do të ishte e mundur të frikësohen breshkat, ndërsa të joshen llojet e nevojshme komerciale.