OPOJA

Rrokulliset autobusi Nish-Prishtinë, 4 të lënduarit janë nga Dragashi

Kushtrim_Guraj — Thu, 28 Nov 2013 16:00:31 GMT

Kurshumli, 27 nëntor – Katër pasagjerë janë lënduar sot në mëngjes, kur autobusi që qarkullonte në relacionin Nish-Prishtinë u rrokullis afër Kurshumlisë. Sipas raportimit të RTS-së, aksidenti ndodhi në orën 3 e 30 minuta, kurse shkak i rrokullisjes theksohet të jetë shpejtësia. Ky autobus u rrokullis afër lokalitetit Novo Sello jo larg Kurshumlisë, kurse katër pasagjerët e lënduar rëndë e lehtë ndodhen në përkujdesje në spitalin e Kurshumlisë dhe ata nuk e kanë jetën në rrezik.
$CUT$

Autobusi i kompanisë "Aroma Turs”, që mban vijën e rregullt Lins (Austri) – Dragash u rrokullis në një kthesë të madhe rrugore te Novo Sella. Mediet serbe japin inicialet e të lënduarve, që janë: R.C. (61), I.M. (31), F.K. (58), dhe Gj.D. (69). Theksohet se të gjithë të lënduarit janë nga Dragashi.

Në autobusin e rrokullisur ndodheshin 18 pasagjerë dhe dy shoferë.

Dragashi me borë, vështirësohet qarkullimi rrugor

Kushtrim_Guraj — Thu, 28 Nov 2013 15:59:09 GMT

Dragash, 25 nëntor - Komuna e Dragashit, është zgjuar sot me reshje të dendura të borës. Ndonëse deri në orët e mesditës, rrugët në fshatrat më të ulëta kanë qenë të kalueshme, në zonat më të larta, problemet janë mjaft të mëdha.

$CUT$

Rruga Dragash-Restelicë, është vështirësuar dukshëm, ku ka pasur edhe incidente në këtë aks rrugorë. Ndonëse po i afrohemi dhjetorit, vozitësit ende nuk janë të përgatitur me të gjitha pajisjet dimërore.

Drejtori i Drejtorisë për Mbrojtje dhe Shpëtim në Komunën e Dragashit, Tafil Krasniqi, thotë se janë të përgatitur për këtë sezon dimërore, ndërsa rrugët magjistrale mirëmbahen nga "Drini Compani”.

I kontaktuar nga RTK, drejtori Fatmir Gashi, tha se në drejtim të trevës së Gorës, janë nisur dy borëpastruese dhe një kamionë, ndërsa kjo komunë është furnizuar e para me të gjitha pajisjet dimërore dhe kripën e nevojshme.

Komunat tjera në rajonit të Prizrenit, ende nuk janë përfshirë nga reshjet e borës dhe qarkullimi rrugorë po zhvillohet normalisht , raporton Policia Rajonale e Prizrenit.

Zyrtari për informim i policisë kapiten Hazir Berisha tha se gjatë ditës së sotme, janë regjistruar katër aksidente rrugore, dy në Duhël , një në Komunën e Suharekës dhe një tjetër aksident u regjistrua në Komunën e Dragashit.

BE: Presim një raund të dytë të lirë dhe të drejtë zgjedhor

Kushtrim_Guraj — Thu, 28 Nov 2013 15:53:30 GMT

Përfaqësuesi Special të BE-së dhe shefit të Zyrës së BE-së në Kosovë, Samuel Zhbogar dhe shefat e misioneve të shteteve anëtare të BE-së që janë të pranishëm në Kosovë nëpërmjet një deklarate të përbashkët kanë thënë se raundi i dytë i zgjedhjeve lokale është një mundësi e madhe për Kosovën, në mënyrë që autoritetet përgjegjëse të dëshmojnë se raundi i parë ishte vetëm fillimi i një sërë përmirësimesh në procesin zgjedhor, dhe në mënyrë që qytetarët të shfrytëzojnë të drejtën e tyre demokratike për t’i zgjedhur liderët e tyre.

$CUT$

"Kjo mund të arrihet përmes një procesi transparent, për të parandaluar çdo parregullsi ose të metë, dhe me një atmosferë të përgjithshme besimi në procedura demokratike dhe me konfidencë të çdo votuesi për sigurinë personale.

Misioni i Bashkimit Evropian për vëzhgimin e zgjedhjeve do të monitorojë sërish procesin zgjedhor dhe bashkë me vëzhguesit e tjerë vendorë dhe ndërkombëtarë do ta vlerësojë paanësinë e këtij procesi. Në veri të Kosovës prezenca e përbashkët e Policisë së Kosovës, EULEX-it dhe KFOR-it ka dëshmuar të jetë një mjet efikas për të siguruar këtë proces, duke ua mundësuar kështu KQZ-së dhe OSBE-së që t’i realizojnë rolet e tyre përkatëse.

Dalja e gjithëmbarëshme në zgjedhje e qytetarëve të Kosovës në raundin e parë ka treguar se qytetarët presin me padurim të jenë pjesëmarrës dhe të vendosin. Demokracia funksionon me të vërtetë vetëm atëherë kur njerëzit janë të lirë të ushtrojnë të drejtën e tyre demokratike për të votuar dhe për të shprehur opinionet e tyre politike individuale, pa ndërhyrje ose kërcënim.

Kjo është mënyra më e mirë për ta ndihmuar Kosovën ta mbajë progresin e arritur drejt rrugës së saj evropiane. Bashkimi Evropian dhe shtetet anëtare të BE-së që janë të pranishme në Kosovë presin që procesi i zgjedhjeve komunale do të përfundohet me një raund të dytë të lirë dhe të drejtë në mbarë Kosovën.

Ne po ashtu presim që zgjedhjet e ardhshme parlamentare do të mbahen me një listë të përmirësuar votuesish dhe me një legjislacion të përmirësuar dukshëm, që do të jenë rezultat i reformës elektorale e cila duhet të finalizohet sa më shpejt që të jetë e mundur”, thuhet në deklaratë./rtk/

Kualifikohen Man. United e PSG

Kushtrim_Guraj — Thu, 28 Nov 2013 15:50:24 GMT

Vidal i papërmbajtshëm, me tregolëshin e tij ndaj Kopenhagen, Kiliani katapulton Juventusin drejt kalimit në 1/8 e Champions League, mision që për ta përmbushur bardhezinjtë që fituan 3-1 ndaj danezëve në Torino do tju mjaftojë një barazim në Stamboll përballë Galatasarayt.

$CUT$

26 vjecari hapi serinë e golave në minutën e 29 nga pika e bardhë e 11 metërshit të akorduar për fajin e Jakopson që preku topin me dorë duke kërkuar t’i paraprijë Pogba. Në minutën e 56 djemtë e Solbaken kërcënuan me një tjetër surprizë me golin e Mellberg që risolli ekuilibrin por ishte gjithshka një iluzion pasi vetëm 5 minuta është sërish Vidal sërish nga pika e bardhë e njëmbëdhjetëmetërshit të shkaktuar këtë herë nga Melberg që risolli avantazhin për kampionët e Italisë që vunë fitoren në kasafortë vetëm dy minuta më vonë për meritë të futbollistit nga Santiago që këtë herë firmosi me kokë duke kaluar portierin.

Gjithçka shkon në favor të Juves edhe në Madrid ku Reali tregoi se është i madh edhe pa Ronaldon duke gjunjëzuar 4-1 Gallatasarajin edhe pse ishte që në minutën e 26 me dhjetë lojtarë pas përjashtimit të Sergio Ramos për faull ndaj lojtarit të fundit. Në mungesë të Cristianos ishte Bale ai që morri mbi shpatulla ekipin duke shënuar me një goditje klasi në minutën e 37 gol që i sjell buzëqeshjen edhe vetë Ronaldos jashtë fushës së blertë. Gjithsesi gëzimi zgjati pak pasi Umut Bulut risolli me golin e tij në lojë turqit që ngritën flamurin e bardhë në pjesën e dytë. Në minutën e 51 Alvaro Arbeloa tregoi se kush komandon në Bernabeu ndërsa në të 63 shënon dhe Angel di Maria që po demonstron një formë të jashtëzkonshme në tentativën për të fituar vendin në formacion ndërsa 9 minuta para fundit të kohës së rregullt ishte Isko që kompletoi pokerin merenges.

Pa obligimin e fitores Paris Sant Germain gjithsesi nuk e fali Olimpiakos në Park de Prins, ju deshën vetëm 7 minuta Zllatan Ibrahimoviç për të kaluar para francezët që gjithsesi patën jetën të vështirë me grekët që barazuan me Manolas 10 minuta para fundit, por pikërisht në finale ishte Edinson Cavani, Matadori që siguroi fitoren dhe kualifikimin zyrtar për skuadrën e Blanc. Në ndeshjen tjetër të grupit hedh një hap drejt kualifikimit edhe Benfica falë fitores 2-3 në fushën e belgëve të Anderlecht.

I pamëshirshëm dhe i frikshëm Manchester United që i ktheu në pluhur statistikat pozitive në shtëpi të Bayer Leverkusen duke i gjunjëzuar Aspirinat 5-0 në Bay Arena. Golat për djajtë nga Antonio Valencia, Emir Spahiç ndëshkoi portën e tij ndërsa kompletuan më pas gjithshka Xhoni Evans, Cris Smalling dhe Nani. Gola me valangë edhe në Donbas Arena ku Shakhtari mposhti 4-0 Real Societad, një dygolësh i Dagllas Costës dhe finalizimet e Adriano dhe Aleks kompletuan fitoren e ukrainasve. Nuk zhgënjen as Manchester City që përballë një Viktoria Plzen që luajti me kokën lart fitoi 4-2 një sfidë rokamboleske falë finalizimeve të Agueros, Nasri, Negredo dhe Edin Dzeko./supersport/

Raporti: NSA ka infektuar 50.000 rrjete kompjuterike me viruse në të gjithë botën

Kushtrim_Guraj — Thu, 28 Nov 2013 15:47:56 GMT

Agjencia Amerikane e Sigurimit Kombëtar ka hakuar më shumë se 50.000 rrjete kompjuterike në mbarë botën vitin e kaluar, duke i infektuar me viruse që përdoren për të kryer operacione spiunimi të sofistikuara, sipas një dokumenti të rrjedhur nga Edward Snowden.

$CUT$

Zbulimi i ri vjen nga një dokument në PowerPoint 2012, i botuar nga gazeta holandeze NRC Handelsblad. Dokumenti tregon një hartë të botës që nxjerr në pah, ndër të tjera, më shumë se 50.000 "impiante në mbarë botën” nën kategorinë "CNE” (Rrjeti Kompjuterik i Shfrytëzuar).

Njësia Tailored Access Operations, ekipi i hakerëve të NSA-së dhe dega e CNE-së, ka kryer sulmin kundër kompanisë belge të telekomit, Belgacom, sipas NRC Handelsblad. Megjithatë, sulmi ishte raportuar më parë që ishte kryer nga aleati i NSA-së, Shtabi i Komunikimit të Qeverisë në Mbretërinë e Bashkuar, një agjenci e zbulimit britanik.

CNE përfshin "mundësimin e veprimeve dhe mbledhjen e inteligjencës nëpërmjet rrjeteve kompjuterike, që shfrytëzojnë të dhënat e mbledhura nga sistemet e informacionit të synuar të armikut ose rrjeteve”, sipas një përshkrimi të programit nga NSA.

Pasi virusi futet brenda një rrjeti, hakerët e NSA-së mund ta kontrollojnë atë nga distanca për nxjerrjen e të dhënave në të. Në dokument, i cili parashtron strategjinë e agjencisë nga 2012-2016, NSA u ankua se ligjet aktuale amerikane nuk lejojnë mbikëqyrjen që ajo do të donte të kryente./bw/

Ujërat nëntokësore

Kushtrim_Guraj — Thu, 28 Nov 2013 15:46:10 GMT

Nga: Artan Mehmeti

Ujërat nëntokësore quhen të gjitha ujërat që ndodhën poshtë sipërfaqes së Tokës, në porët, çarjet dhe zbrazëtitë e tjera të shkëmbinjve. Ato janë shumë të përhapura dhe shtrihen jo vetëm në zonat më klimë të lagët, por edhe në stepat e thata shkretëtirat. Horizonte ujëmbajtëse janë kapur më shpime deri në thellësinë 4000 m, por ka pasur raste që janë kapur edhe më thellë. Në nëntokë gjendet afërsisht 37 herë më shumë ujë se sa në të gjitha pellgjet ujore të steresë (liqenet, kënetat, lumenjtë).

$CUT$

Burimi kryesor i ushqimit të ujërave nëntokësore janë reshjet atmosferike, të cilat bien në sipërfaqen e Tokës (në sipërfaqen e steresë dhe deteve e oqeaneve) në trajtë shiu bore etj. Ky proces është i vazhdueshëm. Ujërat e deteve dhe oqeaneve dhe ai që ndodhët në sipërfaqen e steresë (liqenet, kënetat, lumenj etj.) gjatë avullimit kalojnë në atmosferë në formën e avujve të ujit, duke formuar retë, nga kondensimi i të cilave lindin përsëri reshje, një pjesë e ë cilave nëpërmjet infiltrimit, kalojnë në nëntokë, kurse një pjesë tjetër (më kryesorja) rrjedhin nëpër sipërfaqen e steresë deri sa derdhën në fund në liqene, dete dhe oqeane.

Edhe ujërat nëntokësore janë në lëvizje të vazhdueshme. Ato në vende të përshtatshme drenazhojnë (dalin në trajtë burimesh), duke u bërë burim i furnizimit për ujërat sipërfaqësore ose derdhën drejtpërdrejt në dete apo oqeane. Shi figurën.

Për këtë proces Zoti xh.sh, na ka tregu në kuranin famëlartë para 14 shekujve ku thotë:

"Ne lëshuam me masë ujë nga qielli dhe atë e përqendrojmë në tokë. Po Ne kemi mundësi edhe ta humbim atë (ujin). Dhe me anën e tij Ne mundësuam për ju kopshte hurmash e rrushi, që në to keni shumë pemë dhe hani prej tyre.

(Muminun 18 – 19)”.

Të njohim xhamitë tona: Xhamia e Et'hem Beut

Kushtrim_Guraj — Thu, 28 Nov 2013 15:44:26 GMT

Xhamia e Et'hem Beut në Tiranë është një xhami e ndërtuar nga Mulla Beu nga Petrela, rreth fundit të shekullit të tetëmbëdhjetë. Mbi derën e parë të xhamisë edhe sot e kësaj dite gjendet një rrasë, në të cilën vërtetohet që kjo xhami u ndërtua nga Mulla Beu, një njëri i pasur tiranas, i cili me qëllim bamirësie i hodhi themelet e para të kësaj Xhamie me 1791.

$CUT$

Mulla Beu, i cili hodhi themelet e kësaj faltoreje, arriti të mbarojë dhe cepat e kubesë së kësaj xhamie. I ndjeri, nuk mundi të perjetonte zbukurimet dhe pikturimet në këtë xhami, pasi nderroi jetë më 1807. Falë Allahut (s.w.t.), i biri i Mullait, Haxhi Et hem Beu, i pasur me dije dhe pozitë, arriti të plotësojë minaren e xhamisë. Ai bëri dekorimin me piktura të xhamisë, ndërtoi tavanin e portrikun, dhe kështu mundi të përfundoje xhaminë më 1830-1831. Që pas kësaj kohe, ezani filloi të dëgjohej nga kjo xhami, 5 herë në ditë. Për arkitekin e kësaj xhamie nuk ka të dhëna, por për anën e pikturimit të xhamisë, mes popullit të Tiranës flitet se kanë qenë 2 qytetarë intelektualë të Tiranës, të quajtur Mulla Isuf Zorba dhe Mulla Halim Bulku.

Një veçori e kësaj xhamie është futja e elementit të natyrës në dekoratimin e xhamisë. Salla e xhamisë është e ndarë në kate, në të cilat gjejmë natyra të qeta, të cilat ngjiten deri në kube. Kubeja e xhamisë me një pamje madhështore është e zbukuruar me "Ajetul Kursinë", shkruar në formë spirale, ndërsa në fund të kubesë janë shkruar të 99-të emrat e Allahut (s.w.t.).

Xhamia përmban 18 dritare, ka një mimber të madh prej druri. Në xhami gjithashtu gjendet dhe pjesa në të cilën falen gratë.

Banania shëron pickimet e mushkonjave

Kushtrim_Guraj — Thu, 28 Nov 2013 15:42:58 GMT

Sipas specialistëve, banania largon të ënjturat, skuqjen dhe kruarjen që shkaktohen nga pickimi i mushkonjave.

$CUT$

Para se të shikoni pjesën ku ju ka pickuar mushkonja, mjekët këshillojnë që të fërkoni pjesën e infektuar të vendit me pjesën e brendshme të lëkurës së bananes. Sipas mjekeve popullorë, përdorimi i lëkurës së bananes në këtë mënyrë zvogëlon efektin e ënjtjes dhe të të kruarit. Bananet kanë nivel të lartë të vitaminave B, të cilat ndihmojnë për të qetësuar sistemin nervor./kosovapress/

Kifle të vogla me çokolladë

Kushtrim_Guraj — Thu, 28 Nov 2013 15:41:13 GMT

Nevojiten:

$CUT$

3 vezë,

3 lugë sheqer,

200 gr gjalp,

700 gr. miell dhe

1 lugë maja(kfasac)

Një lugë sheqer e përzien me gjysëm gote ujë të vakët dhe një lugë gjelle maja dhe lihen për 5 minuta.Kjo përbërje përzihet me përbërësit tjerë dhe bëhet brumi.Brumi lihet të vijë për rreth një orë.Pasi brumi të jetë gati e ndajmë në topa dhe e bëjmë një rreth si në foto.Për mbushje mund të përdorni nutella ose sipas dëshirës edhe ndonjë reqel tjetër të preferuar.Piqen në temp.180⁰C për 30 minuta.Ju bëftë mirë.

Përmbyset traktori, vdes shoferi në Dragash

Kushtrim_Guraj — Fri, 22 Nov 2013 02:55:12 GMT

Opojë, 21 Nentorë 2013, -Raportohet se në fshatin Brezne të Dragashit, një qytetarë është goditur nga traktori i cili ishte në oborr dhe për një moment është lëshuar në lëvizje dhe si pasojë i njëjti nga lëndimet e marra ka ndërruar jetë.
Sipas Policisë së Kosovës, trupi i pajetë në konsultim me prokurorin u është liruar familjarëve.
$CUT$
© Opoja.Net