OPOJA

Sharri (Dragashi)! Zemërblerta e Shqipërisë Etnike përfshin një zonë të ngushtë mes Malit Koritnik dhe Malit Sharr. Ky rajon malor është me lartësi mbidetare 800-1300m. Shtrihet rrëzë Malit Sharr. Ai gjithmonë është konsideruar vend shumë interesant dhe mikpritës. Rajoni i vendosur në krahërorin e maleve shqiptare, me gjelbrimin e veçantë që fillon në pranverë dhe vazhdon deri në vjeshtë, ka kushte të shkëlqyeshme rekreative.

Dimërat në këtë vend  janë me shumë dëborë dhe me ashpërsi mahnitëse.  Majat e pashkelura e bëjnë Opojën shumë të dashur për Opojanët dhe shumë  atraktive për të tjerët.

Mrekullitë natyrore e interesante, peisazhet që të mbushin plotë jetë dhe loqkëklima të cilën e ndiejnë të gjithë kapilarët, janë begati me të cilat Zoti e begatoi Opojën.

Pasuritë kulturore-historike dhe bjeshkët thuajse të pashkelura deri në virgjëri presin të zënë vend meritor dhe të trajtohen me projekte që janë miqësore me kohën dhe natyrën. Këtë duhet bërë për hatër të Zotit që na ka falë aq shumë diell dhe borë në ketë vend që gjendet në zemer të trojeve Shqipëtare. Dielli është gjithmonë rrezatues dhe i zgjatë rrezet madhështore për ta puthur  pëllëmbën e tokës që na ka falë Krijusi I Madhëruar. Livadhet dhe arat e shumta, pyjet e dendura, bjeshkët e larta dhe rrjeti i lumenjve janë në harmoni të përsosur me Sharrin i cili ngrihet krenar përballë Korabit, Koritnikut, Pashtrikut dhe bjeshkëve të bekuara. UNDP ka pregatitur një reportazh ku ka pasqyruar në menyrë të mrekullueshme pesazhet e bukura dhe atraksionet e shumta turistike që e bejnë ketë pjesë kaq të bukur, të cilën për fat të keq, më shumë po e çmojnë dhe e vlerësojn të tjerët (të huajt), sesa ne (vendasit). Bjeshket dhe malët që shtrihen në këto anë duket sikur i thonë njëra-tjetrës dhe gjithë botës:

Shqipëria natyrale është e Bekuara e Zotit dhe kjo e bekuar e ka zemërblertën e quajtur Sharr (Dragash).

Kënaquni me të dhe me bukuritë e saj!

Repotazhi turistik i përgatitur nga UNDP për komunën e Dragashit: