OPOJA

Turqia rihapi Gezi Parkun, i cili ishte në zemër të demonstratave të muajit të kaluar, të cilat shkaktuan trazira të mëdha në vend.

Guvernatori i Stambollit, Huseyin Avni Mutlu njoftoi rihapjen tri javë pas trazirave, ndërsa policia kishte dëbuar protestuesit nga Gezi Park pas dy javë protestash të dhunshme kundër planeve për të rizhvilluar zonën.

Mutlu u shpreh se bllokimi i parqeve, duke i bërë ato fusha për demonstrata, i parandalon fëmijët dhe të moshuarit nga përdorimi i këtyre zonave, dhe e ka kthyer këtë në një problem të sigurisë.

Katër persona u vranë dhe 7,500 u plagosën gjatë përleshjeve të muajit të kaluar.