Shpend Ahmeti, nuk e njeh Opojën! - 20 July 2013

Main » 2013 » Korrik » 20 » Shpend Ahmeti, nuk e njeh Opojën!

02:36 Shpend Ahmeti, nuk e njeh Opojën!
Dragash, 19 korrik 2013 - Krahina e Opojës, njëra nga dy trevat që e përbëjnë komunën e Dragashit, ka 18 fshatra dhe qytezën e Dragashit, të paktën pjesën më të madhe të kësaj qyteze, e cila shtrihet në vijën administrative mes trevës së Opojës dhe asaj të Gorës. Por, disa zyrtarë të lartë të Vetëvendosjes, duket se shumë pakë e njohin këtë anë. Hiç më mirë nuk e njeh, as Shpend Ahmeti, nënkryetar i Lëvizjes "Vetëvendosje”. Këtë e vërtetoi vet Ahmeti, në një shfaqje televizive, ku e cilësoi Opojën, si fshat, madje fshat hasjan! Ani pse kjo lëvizje ka zyrën e saj në Dragash, nga e cila mund t’i merrte informacionet mbi gjeografinë dhe popullatën e komunës më të skajshme, në jug të Kosovës, përgjigja që dha Ahmeti në shfaqjen televizive, befasoi shumë opojanë. Emisioni i mbrëmshëm argëtues, por edhe me karakter edukativ "News Show” në Klan Kosova, protagonist të kuizit kishte ftuar drejtues të lartë të Vetëvendosjes. Madje, kishte arritur t’i ndaj dy nga dy, duke i venë në sfidë, si kundërshtarë. Liburn Aliu, Shpend Ahmeti, Aida Dërguti dhe Fisnik Ismaili, ishin garues në këtë emision. Saktësisht, Shpend Ahmeti dhe Aida Dërguti, në njërën anë, ndërsa Liburn Aliu me Fisnik Ismailin në anën tjetër. Shumë shpejtë u pa se sa e njohin Kosovën nënkryetarët e Vetëvendosjes. Në pyetjen se, cilat janë dy fshatrat e Hasit, të cilat kryeministri Thaçi mëton t’i bëj Komuna, asnjëri nga garuesit nuk e dinin saktësisht, ani pse jemi mësuar t’i dëgjojmë kundërshtimet e tyre ndaj këtij synimi të kryeministrit. Me që, Liburn Aliu, nuk e dinte përgjigjen e as bashkëlojtari i tij, Fisnik Ismaili, të drejtën për përgjigje e morën kundërshtarët, Shpend Ahmeti dhe Aida Dërguti. Kjo e fundit, përpos fshatit Gjonaj, i cili ishte përmendur edhe nga kundërshtarët e tyre, tha se është edhe Opoja. Përgjigjen e saj e përsërit edhe Shpend Ahmeti, por që dukej se ishte i dyshimtë në këtë. Ai më pas dha fshatin e saktë, Rogovën, që u pranua nga drejtuesi i emisionit, por qe u kontestua nga kundërshtarët, pasi ata kishin dhënë përgjigjen e gabuar, se "Opoja është njëri nga fshatrat e Hasit”, që krahas Gjonajve janë propozuar si qendra komunale. Në minutën e 32-të të videos së këtij emisioni, në YouTube, duket qartë se sa pakë janë të kyçur këto figura të larta të Vetëvendosjes, në lidhje me idenë për formimin e Komunave të reja në Has, por edhe sa i përket trevës së Opojës. Ndërkohë, jemi mësuar që shpesh t’i dëgjojmë kundërshtimet e tyre rreth kësaj teme. Kjo ka bërë që opojanët të habiten me këtë performancë të zyrtarëve të lartë të lëvizjes Vetëvendosje, e cila ka dhe aktivistët e saj në komunën e Dragashit, por që në zgjedhjet e fundit nuk ka arritur të siguroj asnjë këshilltar në Kuvendin komunal. • Shiko në YouTube
1 2 3 4 5 Category: Opoja Lajmë \| Views: 249 \| Added by: Kushtrim_Guraj \| Rating: 0.0/0