OPOJA

Kosova, duke zhvilluar bujqësinë, mund të bëhet një Iowa e vogël në të ardhmen, ishte vlerësimi që bënë sot gjatë vizitave në disa agrobiznese kosovare, nga përfaqësuesit e shtetit të Iowa-s, bashkë me ministrin e Bujqësisë, Blerand Stavileci."Kjo mund të arrihet falë bashkëpunimit që tashmë ka filluar ndërmjet Kosovës, e cila vlerësohet si shtet me perspektivë bujqësore dhe Iowa-s, e cila njihet si shteti me bujqësinë më të zhvilluar në SHBA”, u tha gjatë vizitave. Ministria e Bujqësisë bën të ditur se, përfaqësuesi i Iowa-s, Thomas Rial, tha se në të ardhmen presin bashkëpunime edhe me agrobizneset kosovare, pasi sipas tij, potencialet bujqësore në këtë vend janë mjaft të mëdha. Gjatë takimeve që do të realizohen ditëve në vijim, Kosova dhe Iowa pritet të nënshkruajnë edhe disa marrëveshje bashkëpunimi.