OPOJA

Fasadat dhe minareja e Xhamisë së Madhe në Durrësit janë restauruar me ndihmën financiare të vetë besimtarëve, të cilët vlerësojnë se përveçse "shtëpia e Zotit” ky objekt kulti përbën një vlerë të trashëgimisë së re historike të qytetit.

 "Financimin e restaurimit mund ta kishim zgjidhur me anë të donacioneve nga firma të ndryshme", tha për ATSH-në Myftiu i Durrësit, Redi Quku, duke shtuar se ndjeshmëria e komunitetit të besimtarëve në këtë drejtim ishte e madhe. Sipas tij, pjesa më e madhe e parave u grumbulluan nga "sadakatë”, dhuratat financiare të besimtarëve dhe qytetarëve, jo vetëm nga Durrësi, por edhe nga qytete të tjera në Kosovë dhe Maqedoni.

 Xhamia e Madhe e Durrësit është ndërtuar në vitin 1940. Minareja e saj u shkatërrua, ndërsa mjediset e godinës u kthyen në pallat kulture në vitin 1967, kur regjimi komunist shkatërroi objektet e kultit. Pas rikthimit në destinacionin e saj fillestar në fillim të viteve 1900, Xhamia e Madhe është rindërtuar në vitin 2003.

 Në qytetin e Durrësit tre vjet më parë është restauruar edhe Xhamia Fatih, e njohur si Xhamia e Vogël, pranë mureve mesjetare të qytetit.