Dragashi me borë, vështirësohet qarkullimi rrugor - 28 November 2013

Main » 2013 » Nentor » 28 » Dragashi me borë, vështirësohet qarkullimi rrugor

17:59 Dragashi me borë, vështirësohet qarkullimi rrugor
Dragash, 25 nëntor - Komuna e Dragashit, është zgjuar sot me reshje të dendura të borës. Ndonëse deri në orët e mesditës, rrugët në fshatrat më të ulëta kanë qenë të kalueshme, në zonat më të larta, problemet janë mjaft të mëdha. Rruga Dragash-Restelicë, është vështirësuar dukshëm, ku ka pasur edhe incidente në këtë aks rrugorë. Ndonëse po i afrohemi dhjetorit, vozitësit ende nuk janë të përgatitur me të gjitha pajisjet dimërore. Drejtori i Drejtorisë për Mbrojtje dhe Shpëtim në Komunën e Dragashit, Tafil Krasniqi, thotë se janë të përgatitur për këtë sezon dimërore, ndërsa rrugët magjistrale mirëmbahen nga "Drini Compani”. I kontaktuar nga RTK, drejtori Fatmir Gashi, tha se në drejtim të trevës së Gorës, janë nisur dy borëpastruese dhe një kamionë, ndërsa kjo komunë është furnizuar e para me të gjitha pajisjet dimërore dhe kripën e nevojshme. Komunat tjera në rajonit të Prizrenit, ende nuk janë përfshirë nga reshjet e borës dhe qarkullimi rrugorë po zhvillohet normalisht , raporton Policia Rajonale e Prizrenit. Zyrtari për informim i policisë kapiten Hazir Berisha tha se gjatë ditës së sotme, janë regjistruar katër aksidente rrugore, dy në Duhël , një në Komunën e Suharekës dhe një tjetër aksident u regjistrua në Komunën e Dragashit.
1 2 3 4 5 Category: Opoja Lajmë \| Views: 1244 \| Added by: Kushtrim_Guraj \| Rating: 0.0/0