OPOJA

Një delegacion i Parlamentit Evropian, kryesuar nga Eduard Kukan, nga Komisioni për Politikë të Jashtme të PE, do të vizitojë Kosovën nesër kur edhe është paraparë të mbahet takimi i 6-të ndërparlamentar mes Kosovës dhe PE.

Kukan së bashku me Ulrike Lunacek, raportuesja e PE për Kosovë dhe Doris Pack si dhe eurodeputetët Lajos Bokros, Antonio Cancian dhe Tonino Picula kanë qëndruar në Shqipëri, ndërsa në Kosovë do të zhvillojnë takime me krerët më të lartë shtetëror, Presidenten Atifete Jahjaga, Kryeministrin Hashim Thaçi, Kryetarin e Parlamentin Jakup Krasniqi, përfaqësuesit e BE në Kosovë dhe shoqërinë civile. Ata po ashtu do të kenë takime të ndara me zëvendës kryeministrin Hajredin Kuçi dhe disa deputetë nga Kuvendi i Kosovës.