OPOJA

Mesfushori shqiptar i Napolit, Valon Behrami, ka deklaruar se ekipi i tij po shkon në Gjermani me synim për ta mposhtur Dortmundin.

Napoli ka nevojë për pikë që do të siguronin kualifikimin në sfidën ndaj Dortmundit dhe Behrami shprehet optimist para udhëtimit të vështirë në Gjermani.

"Do të jetë e vështirë, ne përballemi me një ekip që krijon më shumë raste se kurrë më parë në shtëpi dhe do të jetë në dorën tonë të tregojmë personalitetin”.

"Unë pajtohem me presidentin, ne nuk duhet të trembemi nga kjo ndeshje. Ky ekip ka karakter dhe nuk gjen arsyetime në rast të dështimeve”, u shpreh Behrami.

Ai u shpreh se në luftën për titull janë të përfshira pesë skuadra, Interi, Napoli, Roma, Fiorentina dhe Juventusi. /Telegrafi/