OPOJA

Shteti duhet të bëjë më shumë në lidhje me politikat e tregut, në mënyrë që të mos rrezikohet shitja e prodhimeve vendëse karshi importit nga vendet e rajoni, sidomos nga Serbia, thonë përfaqësues të agrobiznesit kosovarë.

Meriton Rama, kultivues i luleve nga Vushtrria, thotë se kushtet e të bërit biznes në Kosovë nuk janë qartë të definuara. Sipas tij, importi i pakontrolluar i cili hyn pa TVSH dhe pa doganë, rrezikon prodhimet kosovare gjatë sezonit kur prodhimi vendor del në treg në masë të madhe, shkruan Tribuna.

Ai shton se moskontrollimi i tregut nga dora e shtetit bën që në Kosovë kushtet e të bërit biznes mos të jenë shumë të favorshme.
"Është treg i lirë, çka na pengon shumë. Ka subvencione nga shteti por nuk ka stimulim për prodhuesit vendorë, nuk ka siguri në shitje. Në kohën e shitjes nuk ka peshë të madhe a je prodhues apo importues dhe të imponohet çmimi”, thotë Rama./Indeksonline/