OPOJA

Feja islame është fe e solidaritetit dhe në mënyrë të prerë fton në solidaritet dhe në ndihmë reciproke. Allahu i Lartësuar thotë:"Ndihmohuni mes vete në të mira dhe në të mbara dhe hiqni dorë nga mëkatet e armiqësitë. Kini frikë dënimin e Allahut, se me të vërtetë Allahu është ndëshkues i fortë.” Po ashtu kemi edhe shumë hadithe që   flasin për vlerën e ndihmës reciproke dhe të ndërsjelltë. Ndaj në sheriatin islam sadekaja-lëmosha, mund të ndahet në dy grupe në aspektin e përcaktimit të dispozitës: sadekaja që është obligative (vaxhib) dhe sadekaja vullnetare.

sadekaja obligative (sadekatul fitri) Në shkencën e fik’hut, me sadekatul fiter nënkuptohet:

"Dhënia e një pjese të pasurisë në mënyrë të obliguar, për shkak të përfundimit të agjërimit dhe fillimit të ngrënies (mos agjërimit)”.

Sadekatul fitri është bërë obligim në vitin e dytë hirxhri, po atë vit kur u bë obligim agjërimi, para obligueshmërisë së zekatit.Argumentet që e vërtetojnë obligueshmërinë e sadekatul

fitrit janë: Transmetohet nga Ibn Omeri, i cili ka thënë: "E ka obliguar i dërguari i Allahut zekatul fitrin në Ramazan, një sa’a hurme apo një sa’a elb, për robin, të lirin, maskullin, femrën, të voglin dhe të madhin prej myslimanëve”.

Transmetohet nga Ebu Seidi i cili ka thënë:" E jepnim zekatul fitrin një sa’a grur ose një sa’a elb ose një sa’a hurme ose një sa’a djathë ose rrush të tharë ".