22:30 U promovua libri “Moderatori dhe Moderimi në televizion” i autorit Resul Sinani | |
Në Universitetin AAB-Riinvest, u promovua libri nga fusha e
komunikimit dhe gazetarisë "Moderatori dhe moderimi në televizion” i
autorit Resul Sinani, gazetar, redaktor dhe moderator shumëvjeçar në
RTK. Libri "Moderatori dhe moderimi në televizion” njëherësh ka qenë edhe temë e masterit të autorit, me ç’ rast ai mori titullin Master i Shkencave të Komunikimit Masiv dhe Gazetarisë. Mentori i cili e ka udhëhequr në punimin e kësaj teme ka qenë Prof. Dr. Rrahman Paçarizi i cili njëherësh është edhe recensent. "Punimi ‘Moderatori dhe moderimi në televizion’ është i një niveli të lartë dhe ofron informacione të shumta lidhur me profesionin që ne e njohim si moderator, duke ofruar edhe të dhëna shtesë që e kanë ndihmuar autorin të bëjë tipizime të sakta të këtij profesioni mjaft kompleks në gazetarinë televizive, profesion i cili ka një histori të veten të nisjes dhe të zhvillimit. "Moderatori është identitet i televizionit karshi mediumeve të tjera”, thotë autori, sipas të cilit roli dhe përgjegjësitë e moderatorit janë vendimtare në punën e gjithë ekipit televiziv. Natyrisht, autori këtu flet për rolin modern të moderatorit, i cili
patjetër duhet të jetë edhe gazetar dhe jo thjesht folës televiziv, apo
lexues lajmesh”- tha Prof. Dr. Rrahman Paçarizi. Autori i librit MSc. Resul Sinani, foli edhe për arsyet e punimit të kësaj teme së pari si tezë të masterit e pastaj edhe shndërrimin e saj në libër. "Materialet në gjuhën shqipe për moderatorin dhe moderimin në
televizion janë tepër të pakta, për të mos thënë se nuk gjenden fare. Në
fillimet e punës sime si moderator kam patur nevojë për material nga i
cili do të mësoja diçka në mënyrë që ta kisha më të lehtë ta mësoja dhe
zotëroja profesionin e moderatorit, mirëpo nuk e kam gjetur asgjë,
sidomos në vitin 2000. Kjo më ka përcjellur me vite dhe për mua është
shndërruar në shqetësim, prandaj vendosa që temën e masterit t’ia
kushtoj pikërisht kësaj tematike. Materiali i këtij libri është punuar
për temë masteri, mirëpo me qëllimin më të mirë dhe dëshirën që ky
material t’u shërbejë të gjithë atyre që ia kanë mësyrë apo do t’ia
mësyjnë profesionit të moderatorit, vendosa që ta botoj”-deklaroi,
Sinani. Libri i Resul Sinanit është një kontribut i madh në fushën e gazetarisë televizive. Librat si ky mungojnë në gjuhën shqipe dhe nga autorë shqiptarë. Botues i librit është Shtëpia Botuese e Universitetit AAB-Riinvest, ku edhe ka përfunduar masterin autori. /Telegrafi/ | |
|
Total comments: 0 | |
Opoja Lajmë [28] |
Lajme [19] |
Sport [22] |
Ekonomi [15] |
Teknologji [18] |
Shkencë [18] |
Kulturë [20] |
Shëndetësi [22] |
Kuzhinë [20] |
Meditime për Muajin: Nentorë 2013
* 5 Autorë janë nga treva e Opojës *
Dispozitat e sadakasë obligative dhe asaj vullnetare. | |
Elementet e demokracisë në islam. | |
Osmanet. | |
Islam I është fe e punës dhe e pendimit,.. |
Reklama Juaj!□■□■□■□■□ opoja.net@live.com